Никита Ситниковтың командасы плей-оффта алғашқы жеңісіне қол жеткізді

Shaiba.kz хабарлағандай, Британ Колумбиясы хоккей лигасының (BCHL) плей-офф кезеңіндегі үшінші матчта «Коквитлам Экспресс» командасы «Виктория Гриззлисті» 6:3 есебімен жеңіп, сериядағы алғашқы жеңісіне қол жеткізді.

Қазақстан жастар құрамасының 19 жастағы шабуылшысы Никита Ситников бұл ойында ұпай жинаған жоқ. Алайда серия 1:2 есебімен «Гриззлис» пайдасына жалғасуда.

Екібастұз хоккей мектебінің тәрбиеленушісі ағымдағы маусымда BCHL-дің тұрақты чемпионатында жеті матчқа қатысып, бір шайба мен бір нәтижелі пас авторы атанған. Ал плей-офф кезеңіндегі үш кездесуде бір голдық паспен көзге түсті.