Никита Кучеров НХЛ ойыншылар кәсіподағының беделді марапатын алды

НХЛ-дің ресми сайтының хабарлауынша, Никита Кучеров ойыншылар кәсіподағының нұсқасы бойынша тұрақты біріншіліктің ең көрнекті хоккейшісіне берілетін беделді «Тед Линдсэй Эворд» марапатының иегері атанды.

Құрметті трофей үшін күресте ресейлік шабуылшы «Колорадо» хоккейшілері — Нэтан Маккиннон мен Кэйл Макарды басып озды. Кучеров үшін бұл марапат мансабындағы екінші — алғаш рет ол оны алты жыл бұрын алған болатын.

Аяқталған тұрақты маусымда шабуылшы 78 ойын өткізіп, 121 ұпай жинады — 37 шайба соғып, 84 нәтижелі пас берді. Мұндай көрсеткіш хоккейшіге қатарынан екінші жыл бойы лиганың үздік сұрмергені атануға мүмкіндік берді.