Никита Гребенкин АХЛ-дегі жаңа командасында алғашқы голын соқты

АХЛ-дің ресми сайтының хабарлауынша, Никита Гребенкин «Филадельфияның» фарм-клубы – «Лихай Вэлли» сапындағы алғашқы ойынын өткізді. «Уилкс-Бэрриге» қарсы матчта команда 3:5 есебімен жеңілгенімен, ресейлік шабуылшы қарсылас қақпасына шайба соғып үлгерді.

21 жастағы Гребенкин «Питтсбургтің» фарм-клубы үшін ойнайтын отандасы Сергей Мурашовтың қақпасын дәл көздеді. Бұл нәтижелі соққы оған матчтың үшінші жұлдызы атағын алуға мүмкіндік берді.

АХЛ-дің осы маусымында бұрын «Торонто Марлис» сапында өнер көрсеткен шабуылшының есебінде 22 ұпай бар – 10 шайба соғып, 12 нәтижелі пас берген.