Ник Кириос қатарынан үшінші Үлкен дулыға турнирін өткізіп алады

@usopen мәліметі бойынша, Ник Кириос алдағы US Open-2025 турниріне қатыспайды — оның негізгі турнир кестесіндегі орнын іріктеу кезеңінен өткен ойыншы алады.

Австралиялық теннисші үшін бұл қатарынан өткізіп алған үшінші Үлкен дулыға турнирі. Кириос соңғы рет Australian Open турнирінде өнер көрсетіп, Джейкоб Фернлиден 6:7(3), 3:6, 6:7(2) есебімен жеңілген болатын.

Бұрынғы әлемнің 13-ші ракеткасының Үлкен дулыға турнирлеріндегі қатысу статистикасы алаңдаушылық тудырады — 2023 жылдан бері ол 12 беделді жарыстың 11-ін өткізіп алды.