Nightfall: «Үздік бестікке сенімді қадамдармен жақындап келеміз»

Aurora Gaming құрамының керрисі Егор «Nightfall» Григоренко PGL Wallachia Season 4 турниріндегі сұхбатында команданың даму барысы туралы пікір білдірді.

«Бұрын да айтқанымдай, жаңа команда үш айда бірден топ-1 бола алмайды. Мысалы, Team Falcons-тың жолына қарасақ, алғашқы үш-төрт айда нәтижелері аса жақсы болмады. Біз үшін бұл — оқу процесі. Бірақ біз баяу болса да, сенімді түрде үздік бестікке жақындап келеміз. Жақын арада әр турнирде үздік алтылықта боламыз деп сенемін», — деді Nightfall.

PGL Wallachia Season 4 турнирі қазіргі уақытта Бухарестте өтуде. Командалар 1 миллион доллар көлеміндегі жүлде қоры үшін бақ сынауда.