НХЛ 2028 жылғы Әлем Кубогын ИИХФ-сыз өткізуді жоспарлап отыр

Sportskeeda мәліметінше, Ұлттық хоккей лигасы 2028 жылғы Әлем Кубогын Халықаралық хоккей федерациясының қатысуынсыз өткізу туралы шешім қабылдады.

TSN инсайдері Даррен Дрегер хабарлағандай — НХЛ ұлттық хоккей қауымдастықтарымен тікелей байланыс орнатуға ниетті. Турнирге сегіз ұлттық құрама қатысуы тиіс, алайда олардың құрамы әлі анықталған жоқ.

НХЛ вице-комиссары Билл Дэйли The Fourth Period инсайдері Дэвид Паньотта арқылы турнирдің өткізілу егжей-тегжейін ашты — алдын ала кезең екі қалада өтеді: бір еуропалық және бір солтүстік америкалық. Жартылай финалдық ойындар мен финал Солтүстік Америкада өтеді.

«Ресей Әлем Кубогына қатысуға үміткер, құрамада талантты хоккейшілер көп. Турнирге дейін әлі уақыт бар, барлық факторларды зерттеу керек», — деді Билл Дэйли.