Неміс сайты Ұлттар Лигасының матчында Австрияның Қазақстанды жеңетінін болжады

Неміс футбол порталы Bundesligatrend.de Австрия мен Қазақстан құрамалары арасындағы Ұлттар Лигасының алдағы матчына талдау жасады. Сарапшылар қазақстандық команданың ағымдағы турнирдегі шабуыл әрекеттерінің тиімсіздігін атап өтті. Олардың пікірінше, Орталық Азиядан келген қонақтар әлі күнге дейін гол соғуды күтуде:

«Бір қызығы, Орталық Азиядан келген қонақтар осы уақытқа дейін шабуылда өте тиімсіз әрекет етті және әлі де осы турнирдегі алғашқы голын күтуде.»

Сарапшылар алдыңғы үй кездесулерінде австриялықтар доп жібермей, Қазақстан құрамасын жеңгенін еске салады. Олар бұл жолы да осындай нәтижені болжайды:

«Біз ұқсас нәтиже күтеміз: Австрия өз қақпасын сақтап, жеңіске жетеді. Үйдегі жеңістен басқа кез келген нәтиже жағымсыз тосын сый болады.»

Австрия және Қазақстан құрамалары арасындағы матч 10-11 қазанға қараған түні Австрияның Линц қаласында өтеді.

Айта кету керек, Қазақстан құрамасы дивизиондағы алғашқы ойындарын Норвегиямен (0:0) күтпеген тең ойынмен бастады. Алайда келесі ойында қазақстандық команда Словения құрамасынан 0:3 есебімен жеңіліп қалды.