NBA MVP-мен «Оклахома» рекордтық келісімшарт жасасты

«Оклахома» ресми сайтының хабарлауынша, клуб NBA-дің тұрақты маусымы мен финалдық сериясының қазіргі MVP Шэй Гилджес-Александермен ұзақ мерзімді келісімге қол қойды.

Ойын құрушының жаңа келісімшарты төрт жылға 285 миллион долларға есептелген — бұл лига тарихындағы ең жоғары жылдық жалақы. Гилджес-Александердің қазіргі келісімшартында тағы екі маусым қалды, оның төлемдері сәйкесінше 38,3 және 40,8 миллион долларды құрайды.

«Тандер» көшбасшысы өткен маусымда тұрақты чемпионатта орташа есеппен 32,7 ұпай және финалдық серияда 30,3 ұпай жинады. Гилджес-Александер бір жылда тұрақты маусым мен финалдың MVP марапатын алған NBA тарихындағы он бірінші ойыншы атанды.

• Майкл Джордан (4 рет)
• Леброн Джеймс (2 рет)
• Лэрри Берд (2 рет)
• Тим Данкан
• Шакил О’Нил
• Хаким Оладжувон
• Мэджик Джонсон
• Мозес Мэлоун
• Карим Абдул-Джаббар
• Уиллис Рид