Найджел Рео-Кокер: Эванилсон — «Борнмуттың» нағыз олжасы

АПЛ-дің бұрынғы ойыншысы Найджел Рео-Кокер «Арсеналға» қарсы матчта жеңіс голын соққан Эванилсонды жоғары бағалады. BBC-ге берген сұхбатында сарапшы бразилиялық шабуылшының әлеуеті мен техникасына ерекше тоқталды.

«Мен Эванилсонды «Портуда» жүрген кезінен бақылап келемін. Оның Борнмутқа келуі — клуб үшін үлкен олжа. Ол айып алаңында өте шебер қозғалады, шабуылды нәтижелі аяқтайды. Бұл трансфер — селекциялық бөлімнің сәтті жұмысы», — деді Рео-Кокер.

Сарапшы Эванилсонның Джастин Клюйверт пен Маркус Таверньермен жақсы түсінісіп ойнап жатқанын да атап өтті. Оның ойыны «Борнмуттың» шабуыл әлеуетін жаңа деңгейге көтеріп отыр.

Эванилсон биылғы маусымда Премьер-лигада тұрақты гол соғуымен көзге түсіп, ағылшын футболына тез бейімделген легионерлердің бірі ретінде танылуда.