Навас карьерасын Аргентинада жалғастырады

38 жастағы қақпашы Кейлор Навас ресми түрде Аргентинаның «Ньюэллс Олд Бойз» клубының ойыншысы атанды. Бұл туралы команданың баспасөз қызметі хабарлады. Коста-Рикалық қақпашымен келісімшарт 2026 жылдың ортасына дейін жасалған.

Навас өткен жылдың жазынан бері еркін агент статусында болды. Сол уақытта ол бес жыл өнер көрсеткен Францияның «Пари Сен-Жермен» клубымен келісімшартын аяқтады. Бұған дейін қақпашы мадридтік «Реал» сапында ойнап, Чемпиондар лигасын үш рет жеңіп алған.

Халықаралық аренада Кейлор Коста-Рика құрамасының негізгі ойыншысы болып саналады. Ол ұлттық құрама сапында жалпы 114 матч өткізген.

Өткен маусымда «Ньюэллс Олд Бойз» Аргентина чемпионатында 25-орынға ие болды. Клуб тәжірибелі қақпашы команданың қорғанысын нығайтып, нәтижелерін жақсартуға көмектеседі деп үміттенеді.