«Наполи» тағы да ұпай жоғалтты, «Интер» көш бастады

Антонио Контенің командасы Италия чемпионатында кезекті сәтсіздігін бастан өткерді. Бүгін «Наполи» сырт алаңда «Комодан» 1:2 есебімен жеңіліп, турнир кестесіндегі көшбасшылықтан айырылды.

Бір күн бұрын «Дженоаны» 1:0 есебімен жеңген «Интер» бұл жағдайды өз пайдасына пайдаланып, Серия А-ның жаңа көшбасшысына айналды. Қазір миландықтардың қоржынында 57 ұпай бар, ал «Наполиде» 56 ұпай қалды.

Контенің шәкірттері маусымдағы ең қиын кезеңді өткеруде — команда қатарынан төрт матчта жеңіске жете алмай отыр:

• «Ромамен» тең түсті – 1:1
• «Удинеземен» тең түсті – 1:1
• «Лациомен» тең түсті – 2:2
• «Комодан» жеңілді – 1:2

1 наурызда «Наполиді» маусымдағы ең маңызды ойын күтіп тұр — команда өз алаңында Серия А-ның 27-турында көшбасшы «Интерді» қабылдайды.