МЮ ойыншылары Аморимнің тактикасына көңілі толмай отыр

Daily Mail мәліметі бойынша, «Манчестер Юнайтедте» команданың ықтимал жаңа жаттықтырушысы Рубен Аморимнің тактикалық қалауларына байланысты қақтығыс туындады.

Ұжым ішінде португалдық маманның (ол қазіргі клубында қолданып жүрген) ойын сұлбасы манкуниандықтардың стиліне сәйкес келмеуі мүмкін деген әңгімелер жүріп жатыр, кейбір футболшылар оның тиімділігіне күмән келтіруде.

«Қызыл жындылар» ойыншылары — егер Аморим өзінің тактикалық көзқарасын қайта қарастырмаса команданың қазіргі проблемалары шешілмей қалады деп санайды. Алайда бапкердің өзі бұған дейін кез-келген жағдайда өз философиясын ұстанатынын мәлімдеген болатын.