МЮ «Ипсвичтің» жас шабуылшысын 40 миллион фунтқа алмақ

Лиам Делап Манчестер Юнайтедтің қызығушылығын тудырды. Клуб Ипсвич Таунның 22 жастағы шабуылшысы (Манчестер Ситидің түлегі) үшін 40 миллион фунт төлеуге дайын.

Осы маусымда 10 гол соққан талантты шабуылшы үшін күреске лондондық Челси де қосылды.

Football Insider хабарлауынша, Ливерпуль Ньюкаслға ерекше ұсыныс жасамақ. Мерсисайдтықтар Александр Исакты (АПЛ-да 17 гол соққан) алу үшін уругвайлық Дарвин Нуньесті қосымша ақшамен бірге ұсынбақ.

Daily Mail атап өткендей, Ньюкасл Чемпиондар Лигасына шыға алмаса өз көшбасшыларын сатпайды.

CaughtOffside мәліметінше, Брайтон жапон қанатшабуылшысы Каору Митомамен қоштасуға мәжбүр болуы мүмкін. Футболшының келісімшарты аяқталуына екі жылдан аз уақыт қалғандықтан клуб 66 миллион фунт көлеміндегі ұсыныстарды қарастыруға дайын.