«МЮ» 67 жыл ішінде алғаш рет 5:4 есебімен жеңіске жетті

«Манчестер Юнайтед» Еуропа лигасының ширек финалының жауап матчында «Лионды» 5:4 есебімен жеңіп, тарихи жеңіске жетті.

«Олд Траффордта» алаң иелері кездесуді сенімді бастап, 2:0 есебімен алға шыққан. Алайда, француздар есепті теңестіріп, ойынды қосымша уақытқа жеткізді. Экстра-таймда «Лион» екі гол соғып, есепті 4:2-ге жеткізді.

Содан кейін Бруну Фернандеш пенальтиден есепті қысқартса, матч соңында Кобби Майну мен Гарри Магуайрдің дәл соққылары «МЮ»-ге жеңіс сыйлады — 5:4.

Opta деректеріне сәйкес, бұл «Манчестер Юнайтед» тарихында 5:4 есебімен аяқталған небәрі екінші жеңіс. Алғашқысы 1958 жылдың ақпанында «Арсеналға» қарсы өткен болатын.

Жартылай финалда «МЮ» Бильбаоның «Атлетигімен» кездеседі.