Муте көрермендермен қақтығыстан кейін Майамидағы матчта үш ескерту алып, жеңілді

Франциялық теннисші Корентен Муте Майами турнирінің екінші айналымында Чилилік Алехандро Табилоға 7:5, 3:6, 5:7 есебімен жеңіліп, жарысты аяқтады, деп хабарлайды TennisTV.

Екінші сетте есеп 3:5 болған кезде Муте трибунадағы жанкүйерлердің бірімен жанжалға кірісті. Ол көрерменді залдан шығартуды талап етіп, ойынды жалғастырудан бас тартты. Осы әрекеті үшін төрешіден ескерту алды.

Жағдай үшінші сетте одан әрі шиеленісіп, спортшы жанкүйерлерге әдепсіз ишара көрсетті деп айыпталды. Салдарынан оған бір гейм айыппұл салынды.

«Мен бе? Мен бе? Мен ештеңе жасаған жоқпын!» – деп ашуланды Муте турнирдің супервайзерімен сөйлесу барысында.

Біздің парақшамыздан футбол матчтарының барлық нәтижелерін Live форматта бірінші болып біліңіз!