Мұхаммед Мокаев Асу Алмабаевтың UFC дегі өнерін жоғары бағалады

Sports.kz хабарлауынша, қазіргі уақытта Англияда тұратын дағыстандық ММА жауынгері Мұхаммед Мокаев қазақстандық спортшы Асу Алмабаевтың соңғы жетістігіне жоғары баға берді.

Алмабаев 19 қазанда Лас-Вегаста өткен UFC Fight Night 245 турнирінде бразилиялық Матеус Николауды төрешілердің бірауыздан шешімімен жеңіп, өзінің шеберлігін дәлелдеді. Жекпе-жек кезінде ол өзінің «Зульфикар» лақап атына сай ерлік көрсетті.

Мокаев «ММА хабаршысына» берген сұхбатында Алмабаев туралы пікір білдіріп: «Өте жақсы өнер көрсетті. Бұл бала ұнайды. Кішіпейіл, жақсы. Мен оның чемпион болғанын қалаймын,» — деп атап өтті.

Айта кетсек, Мұхаммед Мокаев та Алмабаев сияқты UFC-дің ең жеңіл дивизионында өнер көрсеткен болатын. Бірақ осы жазда Мокаевтың мансабында күтпеген өзгеріс болды: ұйымның басшысы Дана Уайт оны UFC келісімшартынан босату туралы шешім қабылдады.