«MOUZ» ойыншысы «Brollan» финалдағы жеңіліс туралы пікір білдірді

«MOUZ» ойыншысы Людвиг «Brollan» Бролин Стокгольмде аяқталған ESL Pro League Season 21 турнирінің финалында жеңілгеннен кейін өз ойын айтты.

«Өкінішті. GG, «Team Vitality» мен «mezii»-ді құттықтаймын. Қазір олар өте мықты көрінеді. Дегенмен, біз соңғы апталарда атқарған жұмысымызға қуаныштымыз және мақтан тұтамыз. Келесі турнирлерге дайындықты жалғастырамыз. Қолдау көрсеткендеріңіз үшін рахмет», — деді «Brollan».

Финалда «Team Vitality» «MOUZ» командасын 3:0 есебімен жеңді. Ойындар Dust2 (13:9), Nuke (13:4) және Inferno (13:5) карталарында өтті.

Турнирдің ең құнды ойыншысы атағын Матье «ZywOo» Эрбо иеленді. Бұл оның мансабындағы 22-ші MVP марапаты.

Жалпы жарысқа 16 команда қатысып, $400 мың жүлде қоры сарапқа салынды.