MotoGP чемпионы Куартараро Италия Гран-приінде апатқа ұшырап, ауруханаға түсті

MotoGP.com хабарлағандай, Фабио Куартараро Муджеллодағы Италия Гран-приінің алғашқы жаттығуында апатқа ұшырады — оның мотоциклі жылдам бұрылыста басқарудан шығып кетті.

Француз жарысшы сол иығымен қатты құлап, қиыршық тастың үстімен сырғи жөнелді. Оқиға орнында 2021 жылғы MotoGP чемпионы шыққан иығын өзі орнына салды — бұл оның бұрын да бастан кешкен жағдайы.

«Құлау кезінде Фабионың сол иығы шығып кетті, бұл бұрын да болған. Ол оны бұрынғыдай өзі орнына салды», — деді чемпионаттың медициналық директоры Анхель Чарте.

Тексеруден өтіп, қабынуға қарсы дәрі қабылдағаннан кейін жарысшы жолға қайта оралып, бесінші нәтиже көрсетті. Қазір Куартараро Флоренция ауруханасына МРТ-ға жіберілді — оның жарысқа қатысуы тексеру нәтижелеріне байланысты.