Мохамед Салах «Ливерпульдегі» серіктесінің қайғылы қазасына жауап берді

BBC Sport мәліметінше, «Ливерпуль» шабуылшысы Диого Жота мен оның бауыры Андре Силва бейсенбіге қараған түні жол апатынан қаза тапты.

Жотаның командалас серіктесі Мохамед Салах қаза тапқандардың отбасына терең көңіл айтты.

«Мен сөз таба алмай отырмын. Кеше ғана үзілістен кейін Ливерпульге оралудан қорқатын нәрсе болады деп ойламаппын. Командалас серіктестер келіп-кетіп жатады, бірақ бұлай емес. Біз оралғанда Диогоның бізбен бірге болмайтынын қабылдау өте қиын болады», — деді мысырлық шабуылшы.

28 жастағы португалиялық футболшы жақында жасалған операциядан кейін дәрігерлер ұшақпен ұшуға кеңес бермегендіктен, клубқа автокөлікпен оралып келе жатқан. Футболшымен жұмыс істеген дәрігер Мигель Гонсалвес оны ерекше кәсіби маман ретінде сипаттады.

«Мен онымен өткен сенбіде жұмыс істей бастадым және сәрсенбіге дейін күн сайын біргі болдым. Ол керемет қалпына келу көрсетті және барлық ұсыныстарды қатаң орындады», — деді маман.

«Ливерпуль» ойыншылардың жаттығуға оралуын дүйсенбіге ауыстырды. Клуб әлем бойынша жанкүйерлер үшін электронды көңіл айту кітабын ашты.