Мирра Андреева өзіне үлгі болған үш теннисшіні атады

Мирра Андреева өзінің спорттағы қалыптасуына әсер еткен теннисшілер туралы ақпарат берді.

Баспасөз мәслихатында ресейлік спортшы әйелдер теннисіндегі өзі үшін маңызды үш тұлға туралы айтты — ол Мария Шарапова, Серена Уильямс және Симона Халептің ойындарын мұқият қадағалағанын жеткізді.

«Әрине, мен Мария Шарапова мен Серена Уильямстің көптеген матчтарын көрдім. Симона Халептің ойын стилі де өте ұнайтын. Тіпті өткен жылдың соңында онымен бірге жаттығу мүмкіндігі де болды. Бұрын мұқият бақылап жүрген ойыншымен кортта бірге болу — керемет тәжірибе болды. Иә, мен осы үш теннисшіні өзіме үлгі тұттым», — деді Андреева.