Мирра Андреева Елена Рыбакинаны жеңіп, ширек финалға шықты

Индиан-Уэллс турнирінде ресейлік теннисші Мирра Андреева қазақстандық Елена Рыбакинаны сенімді түрде жеңді. Кездесу 6:1, 6:2 есебімен аяқталып, Андреева жарыстың ширек финалына жолдама алды.

Матчтан кейін Андреева өз әсерімен бөлісті:

«Ойынның қиын болатынын білдім, өйткені Елена бұл турнирде жеңіске жеткен және мұндағы кортты жақсы сезінеді. Бірақ мен дұрыс көңіл-күйде болдым және әр доп үшін күрестім. Бұл жолы ерекше қуат сезіндім, кейде осындай болады. Сондықтан кортқа қорқынышсыз шығып, ең жақсы ойынымды көрсетуге тырыстым.»

Жасөспірімдер арасындағы қарсыластарынан несімен ерекшеленетіні туралы сұраққа Андреева былай жауап берді:

«Айту қиын. Мүмкін, бәрі менің әр доп үшін барымды салатынымда және қарсыластарыма өз ойындарын жүргізуге мүмкіндік бермейтінімде шығар. Сонымен қатар аздап сәттілік те көмектесті.»