Мирон Муслич: «Ковентриге» қарсы жеңіс — біздің тәртіп пен ниеттің нәтижесі

«Плимут Аргайлдың» бас бапкері Мирон Муслич Чемпионшип аясында «Ковентри Ситиді» 3:1 есебімен жеңгеннен кейін командасының көрсеткен ойынын жоғары бағалады. Бұл туралы BBC Sport хабарлайды.

Қауіпсіз аймақтан үш ұпай қашықта тұрған «Пилигримдер» үшін бұл жеңіс аса маңызды болды — әсіресе, жақында «Мидлсбро» командасынан алған өкінішті жеңілістен кейін.

– «Мидлсбромен» матчтан кейін екі күн өтіп, біз осындай футбол көрсеттік — бұл мен үшін мақтаныш. Бүгін біз соңғы 20 ойынының 15-інде жеңіске жеткен мықты қарсыласпен ойнадық. Бұл жеңіс оңайлықпен келген жоқ, – деді Муслич.

Ол сонымен қатар командада нақты ойын жоспары мен тәртіп болғанын, әрі ойыншылардың оны сәтті жүзеге асырғанын атап өтті.

– Біз өз жұмысымызды атқардық және оны тамаша орындадық, – деді бапкер.

Енді «Плимут» үшін шешуші кездесу алда – келесі турда олар өз алаңында «Лидспен» ойнайды.