Милош Керкез Борнмуттан кетуі мүмкін екенін меңзеді

«Борнмут» қорғаушысы Милош Керкез әлеуметтік желіде қызықты жазба қалдырды — футболшы жақын арада клубын ауыстыруы мүмкін екенін меңзеді.

Соңғы апталарда ағылшын БАҚ-тары венгр қорғаушысын «Ливерпульге» ауысуы мүмкін деп жазуда. Керкез тамаша маусым өткізді — ол чемпионаттың барлық 38 ойынында бастапқы құрамда шықты.

«38 ойын, 38 бастапқы құрам — біз мақсатымызға жетіп, рекорд орнаттық. Жанкүйерлер мен барлық қолдау көрсеткендерге рахмет. Бапкерге 38 ойында сенім білдіргені үшін алғысымды айтамын, Жаратқанға денсаулық бергені үшін ерекше ризамын, әрине, отбасымсыз ештеңе мүмкін болмас еді. Келесі аптада не болатынын білмеймін, бірақ «Черри» отбасы — сіздерге рахмет!»