«Милан» спорт директоры – Ибраның сөзіне жауап берді

«Football Italia» хабарлауынша, «Миланның» спорт директоры Джеффри Монкада команданың қазіргі құрамын чемпиондық құраммен салыстырған Златан Ибрагимовичтің сөзіне пікір білдірді.

«Құрам екі есе мықты болды деп айта алмаймын, бірақ біз көптеген өзгерістер енгіздік. Қосалқы құрамда көбірек нұсқалар пайда болды, команда қызықты бола түсті» – деді Монкада DAZN-ге берген сұхбатында.

Ол 2022 жылғы чемпиондық құрамды құру үшін шамамен екі жыл қажырлы еңбек қажет болғанын атап өтті: «Дегенмен, қазір бұл процесс тезірек жүреді деп үміттенемін».