«Милан» «Лационы» жеңіп, Италия чемпионатында бірінші орынға шықты

Италия футбол чемпионатының 13-ші турында «Милан» өз алаңында «Лационы» жеңді, деп хабарлайды Prosports.kz.

Миландағы матч 1-0 есебімен аяқталды. Рафаэль Леаудың голы алаң иелерінің жеңісін қамтамасыз етті.

Екінші таймның қосымша уақытында Миланның бас бапкері Массимилиано Аллегри төрешімен дауласқаны үшін алаңнан қуылды.

«Миланның» 28 ұпайы бар және А сериясының турнир кестесінде «Романы» (27) басып озып, бірінші орынға шықты. Бірақ, римдік клубтың тағы бір ойыны бар. «Лацио» (18) сегізінші орында.

Келесі матчта «Милан» 8 желтоқсанда сыртта «Ториномен» ойнайды, ал «Лацио» бір күн бұрын «Болоньяны» қабылдайды.