«Милан» «Фейенордтан» күтпеген жеңілістен кейін қарымта қайтаруға тырысады

Атақты «Сан-Сиро» стадионында (80 мыңнан астам көрерменге арналған) бүгін Чемпиондар лигасының 1/16 финалының қайтарма кездесуінде «Милан» «Фейенордты» қабылдайды. Qazsport мәліметі бойынша, трансляция Астана уақытымен 22:35-те басталады.

Роттердамда өткен бірінші матчта үй иелері күтпеген жерден 1:0 есебімен жеңіске жетті — ойынның 3-ші минутында Игор Пайшау гол соқты.

«Россонерилер» бұл матчқа тамаша статистикамен келеді. Олар турнирдегі «Сан-Сиродағы» соңғы үш матчты жеңіспен аяқтады:

• «Брюггені» жеңді — 3:1
• «Црвена Звезданы» жеңді — 2:1
• «Жиронаны» жеңді — 1:0

Нидерландтық қонақтар сырт алаңдағы матчтарда тұрақсыз ойын көрсетуде: «Жирона» (3:2) мен «Бенфикадан» (3:1) жеңіс, «Манчестер Ситимен» тең нәтиже (3:3), бірақ «Лилльден» ойсырай жеңілді — 1:6.