Михаил Мудрик осы қыста «Челсиден» кетуі мүмкін

Championat.com ақпараты бойынша, «Челсидің» 23 жастағы украиналық қанатшысы Михаил Мудрик қыста клубын ауыстыруы мүмкін.

Лондондық клуб украиналық ойыншыға басқа командалардан түскен ұсыныстарды қарастыруда. Мудрикке бірқатар клубтар, соның ішінде АПЛ-дің екі командасы – «Астон Вилла» және «Вест Хэм», сондай-ақ француздық «Марсель» қызығушылық танытуда.

«Челси» украиналық ойыншыны шамамен 35 миллион еуроға сатуға дайын. Бұл шешім футболшының ағымдағы маусымдағы тұрақсыз өнерімен байланысты болуы мүмкін. Мудрик «Челси» үшін барлық турнирлерде 16 матч өткізіп, 3 гол және 4 нәтижелі пас берген.

Айта кетейік, Михаил Мудрик Лондон клубына 2023 жылдың қаңтарында қосылды. Алайда, «Челси» басшылығы ойыншыны қыста сатуға дайын екенін көрсетуде.

Қызықты факт:»Челси» Конференциялар Лигасының топтық кезеңінде қазақстандық «Астана» командасымен кездеседі. Бұл командалардың келесі ойыны 12 желтоқсанда Алматыда өтеді.