Михаил Кравец «Барыс» хоккей клубының бас бапкері болды

Хоккей шолушысы Алексей Шевченконың мәліметі бойынша, Михаил Кравец астаналық «Барыстың» жаңа бас бапкері болып тағайындалды.

Ресейлік маман бұған дейін «Куньлуньді» басқарған — оның жетекшілігімен қытай клубы жақсы нәтиже көрсетіп, КХЛ-дің Батыс конференциясында тоғызыншы орынды иеленді.

Ғалым Мамбеталиевтің басшылығымен «Барыс» өткен КХЛ маусымында Шығыс конференциясының соңғы орнына түсті — команда 68 ойында 54 рет жеңіліс тауып, небәрі 35 ұпай жинады.

«Михаил Кравец — Барыстың бапкері», — деп хабарлады Шевченко өзінің телеграм-арнасында.