Месси мен Барселонаның экс-ойыншылары Интер Майамидің әлемдік клубтық біріншілігінде ойнайды

Championat.com мәліметі бойынша, «Интер Майами» 2025 жылғы әлемдік клубтық біріншілікке қатысатын құрамын X әлеуметтік желісінде жариялады.

Америкалық клубтың тізіміне Лионель Месси және оның «Барселонадағы» бұрынғы серіктестері — Луис Суарес, Серхио Бускетс және Жорди Альба енгізілді.

Турнир АҚШ-та 15 маусым мен 13 шілде аралығында өтеді — «Интер Майами» мысырлық «Аль-Ахлиге» қарсы ойынмен бастайды. Топтық кезеңде команда сондай-ақ португалдық «Порту» және бразилиялық «Палмейрас» клубтарымен кездеседі.

Жарысқа 32 клуб қатысады, олар сегіз топқа бөлінеді — әр топтан екі үздік команда плей-оффқа шығады.