Месси карьерасында 1 300 нәтижелі әрекет жасаған алғашқы футболшы атанды

«Интер Майами» шабуылшысы Лионель Месси карьерасында 1 300 нәтижелі әрекет жасаған алғашқы футболшы атанды, деп хабарлайды Prosports.kz.

Бұл жетістікке ол «Цинциннати» командасына қарсы өткен матчта (4:0) жетті. Месси бұл кездесудебір гол соғып, үш нәтижелі пас берді.

Аргентиналық футболшы карьерасында 896 гол соғып, 404 нәтижелі пас берді. «Барселона» сапында ол 941 нәтижелі әрекет жасады, «Интер Майами» сапында — 117, Францияның «Пари Сен-Жермен» командасында — 66, Аргентина құрамасында — 176. Бұл үшін оған 1 135 матч қажет болды.

«Интер Майами» келесі матчында «Нью-Йорк Ситимен» кездеседі.