Месси футбол тарихындағы ең үздік шабуылшыны атады

«Интер Майами» мен Аргентина құрамасының футболшысы Лионель Месси футбол тарихындағы ең үздік шабуылшыны атады, деп хабарлайды Prosports.kz.

Месси атақты бразилиялық голеадор Роналдоны ерекше атап өтті.

«Роналдо феномен еді. Мен көрген шабуылшылардың ішінде ол ең үздігі болды. Ол керемет еді», — деді футболшы.

Бұған дейін танымал португалиялық бапкер Жозе Моуриньо футбол тарихындағы үздік үш футболшыны атаған болатын. Моуриньо тізіміне екі аргентиналық аңыз – Лионель Месси мен Диего Марадона, сондай-ақ үш дүркін әлем чемпионы Пеле енді.