Мексикада UFC жаттығу орталығы өртенді

UFC президенті Дана Уайт Мексикадағы UFC Performance Institute жаттығу орталығында өрт шыққанын хабарлады — ақпаратты Championat.com растайды.

Уайт жариялаған бейнеде өрт сөндірушілердің өртпен күресіп жатқаны көрінеді — ғимараттың бір бөлігі қатты түтінденген. Залалдың көлемі мен оқиғаның себептері әзірге белгісіз.

Бір жыл бұрын ашылған спорт кешенін Дана Уайт UFC-тің ең үздік жаттығу орталығы деп атаған.

Таяу күндері UFC 317 аренасында испан-грузин файтері Илия Топурия жеңіл салмақтағы бос чемпиондық белбеу үшін бразилиялық Чарльз Оливейрамен жекпе-жек өткізеді.