Медина футболшысының әкесі ұлының Спартактағы жағдайын түсіндірді

«Спорт-Экспресс» хабарлауынша, мәскеулік «Спартак» жартылай қорғаушысы Хесус Мединаның әкесі Франциско Медина ұлының клубтағы жағдайы туралы пікір білдірді.

Парагвайлық футболшының жағдайы шиеленісті — қызыл-ақтардың бас бапкері Деян Станкович ойыншыны тағы екі футболшымен бірге жеке жаттығу тобына ауыстырды.

«Хесустың болашағы туралы ештеңе білмеймін. Қазіргі уақытта Спартактан басқа нұсқалар жоқ — оның келісімшарты тағы бір жылға жарамды. Келісімшартты ұзарту талқыланған жоқ. Команадан шеттету туралы да ештеңе білмеймін», — деді Франциско Медина.