McLaren пилоттары Бахрейн Гран-приінің екінші практикасында үздік болды

McLaren пилоты Оскар Пиастри Бахрейн Гран-приінің екінші практикасында көш бастады — австралиялық өз командаласы Ландо Норристен 0,154 секундқа озық болды.

Күндізгі сессиядан айырмашылығы, кешкі жаттығу төменгі температурада өтті — жағдай жарыс кезіндегідей болды. Mercedes командасының пилоты Джордж Расселл көшбасшыдан жарты секундтан астам уақытқа қалып, үздік үштікті түйіндеді.

Сессия оқиғасыз өтпеді — Фернандо Алонсоға руль дөңгелегіндегі мәселелерге байланысты боксқа кіруге тура келді. Қазіргі әлем чемпионы Макс Ферстаппен қысқа уақытқа хаттаманы басқарды, бірақ кейін көшбасшылықты McLaren пилоттарына берді.

Ferrari командасының пилоты Шарль Леклер төртінші уақыт көрсетіп, екі Mercedes арасына орналасты. Racing Bulls командасының жас француз пилоты Исаак Хаджар алтыншы нәтижемен таңқалдырып, Макс Ферстаппен мен Ferrari-дің Льюис Хэмилтонын басып озды.