McLaren Формула-1-дің конструкторлар Кубогын мерзімінен бұрын жеңіп алды

Сингапур Гран-приіндегі жеңістен кейін McLaren командасы Формула-1 конструкторлар Кубогының атағын мерзімінен бұрын жеңіп алды, деп хабарлайды Motorsport.com.

Ландо Норрис пен Оскар Пиастри үшінші және төртінші орындарды иеленді — бұл нәтиже командаға 27 ұпай әкеліп, жалпы есепті 650-ге жеткізді. Екінші және үшінші орындарды иеленген Mercedes пен Ferrari тиісінше 325 және 298 ұпай жинады.

Команда жетекшісі Андреа Стелла жүргізушілермен және бас директор Зак Браунмен бірге трофейді McLaren технологиялық орталығына әкеліп, жеңісті бүкіл ұжыммен бірге тойлады.

«Екі жыл ішінде конструкторлар Кубогындағы екінші атақты тойлау — таңғажайып. 2025 жылы маусым аяқталуына алты жарыс қалғанда чемпиондықты қамтамасыз ету — бұл керемет», — деді Стелла.

Жетістікке қарамастан, команда жетекшісі басты сын-қатер әлі алда екенін атап өтті — 2026 жылы Формула-1 жаңа техникалық регламентке көшеді.