Мбаппесіз ПСЖ: Луис Энрике париж клубын қалай өзгертті

L’Equipe мәліметінше, өткен жазда Килиан Мбаппенің кетуі «Пари Сен-Жермен» тарихындағы бетбұрыс сәт болды — клуб суперждұлдыздар дәуірінен түбегейлі бас тартты.

Команданы екі жылдай бұрын қолға алған Луис Энрике футболдық процестерді толық бақылауға алды — бапкер жас ойыншылар мен командалық тәртіпке басымдық берді.

Жаңа философия өз жемісін берді: 19 жастағы Дезире Дуэ, Хвича Кварацхелия және Брэдли Барсола париждіктердің шабуылындағы негізгі тұлғаларға айналды. Қазіргі Чемпиондар лигасындағы команданың орташа жасы — небәрі 24 жас.

«Қазір ірі турнирлерде жеңіске жету үшін тек талантты команда ғана емес, барлық ойыншылардың толық берілуі қажет — шабуылда да, қорғаныста да. Энрике мұған өте қысқа мерзімде қол жеткізді», — деді ПСЖ-дің бұрынғы жартылай қорғаушысы Раи.

Финалға жолда париждіктер ағылшынның мықты клубтарын — «Манчестер Сити», «Ливерпуль» және «Арсеналды» жеңді. Енді шешуші матчта оларды тәжірибелі «Интер» күтіп тұр.