Мбаппе «Реалдың» дебюттік маусымындағы тарихи гол рекордын орнатты

Championat.com хабарлауынша, мадридтік «Реалдың» жаңа шабуылшысы Килиан Мбаппе дебюттік маусымда нәтижелілік бойынша клубтық рекорд орнатты.

Ла Лиганың 37-ші тур аясында «Севильяға» қарсы ойында француз шабуылшысы гол соғып, барлық турнирлерде 41-ші голын салды — бұл 1992/1993 маусымында 37 гол соққан чилилік Иван Самораноның жетістігінен асып түсті.

26 жастағы шабуылшы сонымен қатар клубтың жаңа ойыншылары арасында Испания чемпионатындағы гол рекордын жаңартты — аңызға айналған Альфредо Ди Стефаноның 1953/1954 маусымындағы 27 голына қарсы 29 гол.

Өткен жазда еркін агент ретінде «Реалға» ауысқан Мбаппе клубпен 2029 жылға дейін келісімшартқа отырған — оның ағымдағы трансферлік құны 170 миллион еуро деп бағаланады.