Мбаппе ӘЧ-2022 финалында Аргентинаның жеңісін мойындады

Мадридтің «Реал» шабуылшысы Килиан Мбаппе 2022 жылғы әлем чемпионатының финалы туралы пікір білдірді, As хабарлайды. Бұл матчта Франция құрамасы Аргентинаға пенальти сериясында жол берген еді.

Сол есте қаларлық ойында Мбаппе хет-трик жасаса, Лионель Месси Аргентина құрамасы үшін екі гол соқты. Негізгі уақыт 3:3 есебімен аяқталып, пенальти сериясында оңтүстікамерикалықтар 4:2 есебімен жеңіске жетті.

«Финалда гол соғу туралы емес — жеңіс туралы ойлайсың. Біз шабуылшылармыз, сондықтан голға жақынбыз. Бұл керемет матч болды және Аргентина жеңіске лайық, өйткені олар бүкіл ойын бойы жақсы ойнады», — деді француз шабуылшы.

«Бұл өкінішті, мұны ұмытпау керек, себебі ӘЧ-2026 жақындап келеді және біз қайтадан көңіл қалдырғымыз келмейді», — деп Мбаппе Хорхе Вальданоға берген сұхбатында қосты.