Матуш Шимко G2 Esports құрамында Кельндегі турнирге қатысады

HLTV.org мәліметі бойынша, Матуш «matys» Шимко G2 Esports құрамында беделді IEM Cologne 2025 турниріне қатысатын болады.

Ұйым әзірге ойыншының қосылуы туралы ресми мәлімдеме жасаған жоқ — бұл уақытша ауыстыру ретінде өнер көрсету немесе толыққанды келісімшарт болатыны белгісіз. Бұған дейін Шимко бір жарым жылдай өнер көрсеткен Fnatic командасынан кеткен болатын.

CS2 бойынша ең ірі жарыстардың бірі — IEM Cologne 2025 турнирі Германияның Кельн қаласында 23 шілде мен 3 тамыз аралығында өтеді. Бір миллион доллар жүлде қорын сарапқа салу үшін 24 команда бақ сынайды.