Матвей Мичков НХЛ дебютанттары арасында үздік сұрмерген атанды

НХЛ-дің ресми сайтының мәліметінше, «Филадельфия» шабуылшысы Матвей Мичков «Монреальға» қарсы матчта керемет ойын көрсетті — ол екі гол соғып, бір нәтижелі пас беріп, үш ұпай жинады.

20 жастағы шабуылшы осы маусымда 72 ойын өткізіп, 54 (22+32) ұпай жинады. Оның пайдалылық көрсеткіші «минус 14», ал орташа ойын уақыты — 16 минут 22 секунд. Бұл нәтиже Мичковке «Сан-Хосе» ойыншысы Макклин Селебриниден озуға мүмкіндік берді — оның еншісінде 59 матчта 53 (21+32) ұпай бар.

Жаңа ойыншылар арасындағы ең нәтижелі хоккейші — «Монреаль» қорғаушысы Лэйн Хатсон, ол 71 кездесуде 56 (5+51) ұпай жинады. Ал НХЛ дебютанттары арасындағы сұрмергендер тізімінде Мичков бірінші орынға шықты. Екінші орында Селебрини тұр, ал үшінші орынды «Сент-Луис» шабуылшысы Зак Болдук 64 ойында 15 шайба соғып иеленді.