Матс Хуммельс мансабын аяқтайтынын мәлімдеді

Неміс футболының аңызы Матс Хуммельс 2023/24 маусымының соңында кәсіби мансабын аяқтайтынын жариялады. 36 жастағы қорғаушы бұл туралы өзінің әлеуметтік желілердегі парақшасында мәлімдеді. Қазіргі таңда ол «Рома» сапында өнер көрсетуде, клубпен келісімшарты жазда аяқталады.

«Қазір мен өз сезімдерімді жеңуге тырысып жатырмын. Ешбір футболшы құтыла алмайтын сәт келді. 18 жыл және футбол маған берген барлық нәрседен кейін, мен осы жазда мансабымды аяқтаймын», — деп жазды Хуммельс.

Германия құрамасының бас бапкері Юлиан Нагельсманн оны «халықаралық деңгейдегі эталон» деп атады. Ұлттық құрама сапында Хуммельс 78 матч өткізіп, 5 гол соғып, 2014 жылы әлем чемпионы атанды.

Хуммельс кәсіби мансабын «Баварияда» бастағанымен, ең үлкен жетістіктерін дортмундтық «Боруссияда» Юрген Клоптың қол астында жетті — клубпен бірге екі рет Бундеслига чемпионы атанды. Ол Дортмунд сапында екі кезеңде 508 матч өткізсе, «Бавария» құрамында 118 кездесуге қатысты.

Ағымдағы маусымда «Рома» сапында барлық турнирлерде 18 матчқа қатысқан.

Біздің парақшамыздан футбол матчтарының барлық нәтижелерін Live форматта бірінші болып біліңіз!