Матерацци Индзагидің Интердегі жұмысын сынға алды

Аңызға айналған қорғаушы Марко Матерацци жақында Сауд Арабиясының «Әл-Хилал» клубына ауысқан Симоне Индзагидің «Интердегі» жұмысына баға берді.

Football Italia мәліметінше, италиялық маман жаңа клубпен екі жылдық келісімшартқа отырды. Индзаги «Интерде» төрт жыл жұмыс істеп, командаға жиырмасыншы скудеттоны жеңіп алуға көмектесті.

«Симонеге осы төрт жылда жасаған барлық істері үшін – 20-шы скудетто және команданы белгілі бір стильде ойнатқаны үшін алғыс айту керек. Бірақ ол одан да көп нәрсеге қол жеткізе алатын еді. Лигадағы ең мықты құраммен біз екі чемпиондықты жіберіп алдық», — деді Матерацци.