Марк Маркес жарақатына қарамастан Ассендегі спринтті жеңді

MotoGP чемпионатының көшбасшысы Марк Маркес жұма күнгі жаттығуларда алған екі ауыр құлаудан кейін де Ассен трассасындағы спринтерлік жарыста жеңіске жетті.

«Дене дизельді қозғалтқыш сияқты — қызуға уақыт керек, барлығы сәл қатып қалған. Саусағым мен оң қолымда ауырсыну бар, бірақ бұл нәтижелерге көп әсер етпейді. Көбінесе сенімділік пен мотоциклдегі отырыс алаңдатады», — деді алты дүркін чемпион.

32 жастағы испандық 13 айналымдық спринтте ең жылдам болмағанын мойындады, бірақ тежеу нүктелеріндегі артықшылығының арқасында көшбасшылықты сақтап қалды. Маркес жалпы есепте інісі Алекстен 43 ұпай алда тұр.

«Денем тағы бір үлкен құлауды көтере алмайтынын түсінемін. Егер жексенбілік жарыста біреу бізден жылдам болса — мен оны қабылдап, жай ғана мәреге жетемін», — деді мотошабандоз, негізгі жарысқа сақтықпен қарайтынын айтып.