Маресса: «Челси» осы маусымда Чемпиондар Лигасында ойнауды мақсат етіп отырған жоқ

Ағылшын Лига Кубогының 1/8 финалы қарсаңында “Челси” тәлімгері Энцо Маресса “Ньюкаслға” қарсы матч алдында командадағы жағдай мен клубтың мақсаттары туралы пікір білдірді. Ол Чемпиондар лигасына кіруге байланысты басшылық тарапынан қысым жоқ екенін айтып, ұзақ мерзімді дамудың басымдыққа ие екенін атап өтті:

“Басшылық ешқашан үздік 4-ке кіру міндеті туралы айтқан емес. Олар әрқашан келесі төрт-бес жылда тұрақты даму мақсатын көздейді. Әрине, біз күнделікті маңызды нәтижелерге жетуге тырысамыз, бірақ ойыншыларға қысым жоқ.”

Маресса әрбір жеке ойынға көңіл бөлудің маңызды екенін де баса айтты:

“Егер ойыннан ойынға барсаңыз, қазіргі уақытта қайда екеніңізді көресіз. Егер сіз үздік 4 немесе үздік 6 туралы ойлай бастасаңыз, бүкіл маусым туралы ойлана бастайсыз, ал бұл мен үшін әлі тым алыс.”

Қазіргі уақытта “Челси” Маресса басшылығымен барлық турнирлерде 14 матчта үш рет жеңіліп, Премьер-Лигада бесінші орында тұр. Соңғы матчта олар “Ньюкаслды” 2-1 есебімен жеңгеннен кейін Лига Кубогында сол қарсыласпен қайта кездесуге дайындалуда.