Манчестер Юнайтед қызметкерлерді жаппай қысқартуды жариялады

Клубтың баспасөз қызметі хабарлағандай, «Манчестер Юнайтед» 150-200 қызметкерді қысқартуға дайындалуда. Оңтайландыру процесі 3-4 айға созылады.

Атқарушы директор Омар Беррада дүйсенбі күні қызметкерлермен кездесуде ауқымды трансформация жоспарын іске қосатынын мәлімдеді. Оның мақсаты – 2019 жылдан бері жалғасып келе жатқан қаржылық шығын кезеңінен шығу.

Қазіргі уақытта клубта 1140 адам жұмыс істейді, сондықтан бұл қысқартулар айтарлықтай маңызды болмақ. Басқа үнемдеу шаралары қатарында – «Олд Траффордтағы» тегін түскі астардың жойылуы және кейбір қызметкерлерді Каррингтондағы жаттығу базасына ауыстыру қарастырылған.

«Біздің міндетіміз – «Манчестер Юнайтедті» барлық бағытта, оның ішінде ерлер және әйелдер командалары мен академия үшін ең мықты позицияға қою», – деді Беррада. «Бұл күрделі шешімдер клубтың қаржылық тұрақтылығын қалпына келтіру үшін қажет».

Айта кетейік, бұл – қысқартулардың екінші кезеңі. Өткен жылы клубтың бірлескен иесі сэр Джим Рэтклифф келгеннен кейін 250 қызметкер жұмыстан босатылған болатын. Соңғы үш жылда клубтың шығыны 300 миллион фунттан асып, команда турнир кестесінде 15-ші орынға дейін төмендеді.