Манчестер Юнайтедтің экс-жартылай қорғаушысы Марсельге ауысты

Англия құрамасының жартылай қорғаушысы Анхель Гомес мансабын Франция чемпионатының тоғыз дүркін жеңімпазы Марсель клубында жалғастырады.

«Манчестер Юнайтедтің» тәрбиеленушісі келісімшарты аяқталғаннан кейін «Лильден» еркін агент ретінде кетті. Марсельдіктердің бас бапкері Роберто Де Дзерби бұған дейін 24 жастағы жартылай қорғаушымен принципті келісімге қол жеткізген болатын.

«Лиль» құрамында төрт маусым ішінде Гомес 134 матч өткізіп, 10 гол соғып, 19 нәтижелі пас берді. Өткен жылы футболшы Англия құрамасында дебют жасап, уақытша бапкер Ли Карслидің жетекшілігімен төрт кездесу өткізді.

«Марсельде» Гомес «Манчестер Юнайтедтегі» бұрынғы командаласы Мейсон Гринвудпен қайта қауышады. Алдағы маусымда команда Франция чемпионатында «Пари Сен-Жерменнен» кейін екінші орын алып, Чемпиондар лигасында өнер көрсетеді.