Манчестер Юнайтед ойыншылары Азиядағы турнеге наразы

The Times мәліметінше, «Манчестер Юнайтед» футболшылары маусымнан кейінгі Азия турнесіне қатты наразылық білдірді — отбасымен демалудың орнына команда коммерциялық ойындар мен іс-шараларға қатысуға мәжбүр болды.

Азия турнесі аясында манкундықтар Куала-Лумпурда АСЕАН жұлдыздар құрамасынан 0:1 есебімен жеңіліс тапты, бірақ Гонконг құрамасын 3:1 есебімен жеңді.

«Олар ашулы» — басылымның үш дереккөзі ойыншылардың көңіл-күйін осылай сипаттады.

Футболшылар adidas, Tezos, Apollo, Maybank және Snapdragon брендтерінің көптеген демеушілік іс-шараларына қатысты — кейбір ойыншылар тіпті әріптестеріне баспасөз конференцияларында барынша қысқа жауап беруге кеңес берді.

Клуб 8 миллион фунт алу үшін турне ұйымдастыруға мәжбүр болды — бұл қаражат Чемпиондар Лигасына қатарынан екінші маусым қатыса алмағаны үшін adidas-тен келген 10 миллион фунт айыппұлды ішінара өтейді.