Манчестер Юнайтед Лидспен матчқа бес негізгі ойыншысыз құрамын жариялады

Клубтың ресми сайтының хабарлауынша, Маркус Рэшфорд, Алехандро Гарначо, Антони, Джейдон Санчо және Тайрелл Малация «Лидске» қарсы достық кездесуге қатыспайды — олар Каррингтонда жаттығуларын жалғастырады.

«Қызыл жындардың» формасымен алғашқы ойынын «Вулверхэмптоннан» 62,5 миллион фунтқа ауысқан Матеус Кунья өткізуі мүмкін. Жарақат алған Джошуа Зиркзее, Андре Онана және Лисандро Мартинес команда құрамында болмайды.

• Қақпашылар: Алтай Байиндир, Том Хитон, Дермот Ми
• Қорғаушылар: Диого Далот, Нуссаир Мазрауи, Маттейс де Лигт, Гарри Магуайр, Патрик Дорг
• Жартылай қорғаушылар: Мейсон Маунт, Бруно Фернандеш, Касемиро, Мануэль Угарте
• Шабуылшылар: Расмус Хойлунд, Матеус Кунья, Амад, Чидо Оби

Стокгольмдегі матчтан кейін команда АҚШ-қа үш кездесу өткізетін турнеге аттанады. Құрамға Брайан Мбемо қосылуы мүмкін — «Брентфорд» камерундық қанатшының трансфері үшін 65 миллион фунт көлеміндегі ұсынысты қабылдады.