Манчестер Юнайтед Бруну Фернандештің орнын Спортингтен тапты

Sunday Mirror мәліметінше, Манчестер Юнайтед Лиссабонның «Спортинг» клубының жартылай қорғаушысы Педро Гонсалвешке қызығушылық танытуда — клуб 26 жастағы португалдықты осы жазда Сауд Арабиясының клубтарының біріне ауысуы мүмкін Бруну Фернандештің орнына қарастыруда.

Бавария Микаэль Олисенің сәтті маусымынан кейін «Кристал Пэластың» тағы бір ойыншысына — 26 жастағы Эберечи Эзеге назар аударды деп хабарлайды Football Insider. Лондондық клуб «Арсенал», «Тоттенхэм» және «Манчестер Ситидің» қызығушылығына қарамастан, футболшымен келісімшартты ұзартуға ниетті.

Манчестер Сити осы аптада «Лионның» 21 жастағы жартылай қорғаушысы Райан Черкиге ұсыныс жасауды жоспарлап отыр деп мәлімдейді танымал инсайдер Фабрицио Романо.

Сонымен қатар Марко Силва «Фулхэмнен» кетуі мүмкін — 47 жастағы португалдық маман «Ювентустың» бас бапкері қызметіне басты үміткер болып отыр.