Манчестер Юнайтед бразилиялық шабуылшыны 62,5 млн фунтқа сатып алды

«Манчестер Юнайтедтің» ресми сайтының хабарлауынша, клуб «Вулверхэмптоннан» Матеус Куньяны трансферлеуді аяқтады.

Бразилиялық шабуылшы бес жылдық келісімшартқа қол қойды — келісімде тағы бір маусымға ұзарту мүмкіндігі қарастырылған.

26 жастағы шабуылшының трансфер сомасы 62,5 миллион фунт стерлингті құрады. Өткен АПЛ маусымында Кунья әсерлі көрсеткішке қол жеткізді — 33 ойында 15 гол соғып, 6 нәтижелі пас берді.